Condicións de servizo do chat de RCS

Ao utilizar o chat de RCS de Google, aceptas as Condicións de servizo de Google, a Política de privacidade de Google e estas condicións do chat de RCS (en conxunto, as “Condicións de servizo”). O chat de RCS permíteche enviar mensaxes aos números de teléfono doutras persoas, polo que as mensaxes pasarán por Google e, nalgúns casos, por outros fornecedores de servizo (por exemplo, operadores ou outras aplicacións de mensaxaría) para poder chegar a eses números de teléfono. Aceptas que o teu dispositivo e os dos teus contactos se poidan revisar ocasionalmente na procura de funcións de RCS co obxectivo de garantir que poidades recibir mensaxes mediante RCS. Ademais, Google pode intercambiar de forma ocasional información do teu dispositivo (como os seus identificadores ou a información da tarxeta SIM) co teu operador para verificar o teu número de teléfono (pódense aplicar cargos polo uso de SMS) a fin de prestar o servizo de chat de RCS. Pódense aplicar cargos polos datos usados para fornecer o servizo de chat de RCS. Estas Condicións de servizo non se aplican ás funcións e servizos ofrecidos polo teu operador (por exemplo, as chamadas e mensaxes a través do operador, incluídas as mensaxes SMS e MMS). Se queres interromper o uso do chat de RCS, podes desactivar esta opción de configuración en Mensaxes de Google.

O servizo de chat de RCS será fornecido e contratarase a través de Jibe Mobile, Inc., empresa con domicilio en 1600 Amphitheatre Parkway, Mountain View, CA 94043 (EUA). Se o teu número de teléfono ten o código dun país pertencente ao Espazo Económico Europeo ou de Suíza, o servizo de chat de RCS será fornecido e contratarase a través de Jibe Mobile Limited, empresa con domicilio en 70 Sir John Rogerson’s Quay, Dublín 2 (Irlanda). Nese caso, aplícase este Resumo das condicións.