Zerbitzu-baldintzak

Google-ren txat-eginbideak ("Zerbitzua") erabiltzen badituzu, onartu egingo dituzu Google-ren Zerbitzu-baldintzak, Google-ren Pribatutasun-gidalerroak eta baldintza gehigarri hauek (dena batera, "Zerbitzu-baldintzak"). Txat-eginbideek beste erabiltzaileen telefono-zenbakietara mezuak bidaltzeko aukera ematen dute; ondorioz, Google-ren eta, kasu batzuetan, beste operadore batzuen bidez bidaliko dira mezuak telefono-zenbaki horietara. Zerbitzua eman ahal izateko, onartzen duzu zuk eta zure kontaktuek txat-eginbidea erabil dezakezuen ala ez egiaztatuko duela noizbehinka Google-k. Baliteke Google-k zure gailuen informazioa operadorearekin partekatzea telefono-zenbakia egiaztatzeko eta Zerbitzua eman ahal izateko. Informazio horren barruan, gailuen identifikatzaileak eta SIM txartelari buruzko datuak egongo dira, besteak beste. Agian datuengatiko kostuak ordaindu beharko dituzu txat-eginbideak erabiltzean. Zerbitzu-baldintza hauek ez zaizkie aplikatuko zure operadoreak eskainitako eginbide eta zerbitzuei; adibidez, operadorearen bidez deiak egiteari eta mezuak bidaltzeari, SMSak eta MMSak barne. Zerbitzua erabiltzeari uzteko, desaktiba ezazu mezuen aplikazioaren ezarpenetan.

Jibe Mobile, Inc. enpresak (1600 Amphitheatre Parkway, Mountain View, CA 94043 USA) ematen dizu zerbitzua, eta harekin duzu kontratua. Salbuespena izango dira Europako Esparru Ekonomikoko edo Suitzako herrialde-kodeak dituzten telefono-zenbakiak. Halako telefono-zenbaki bat baduzu, Jibe Mobile Limited enpresak (70 Sir John Rogerson’s Quay, Dublin 2, Ireland) emango dizu Zerbitzua (eta harekin izango duzu kontratua). Kasu horretan, Baldintzen laburpen hau aplikatzen da.